قصيدة زى اخت

من زمان و انا حاطة صورتك تحت مخدتى
و بحلم و كانى حبيبة ليك مش بس جارتك
و شوقى خدنى و انت جاى تقولى انا زى اختك

حب الطفولة الجريئة بضفيرة و ضحكة رقيقة و عيون صافية بريئة
علي الشجرة حروف اسامينا و موج البحر ينادينا و ضى القمر ليالينا

عدى عمرى و كبرت مشاعرى و فردت شعرى
من يومها و قلبي عندك و انت جاى تقولى انا زى اختك

زرعت محبة جوايا و دمع العين يرويها
كتبت غنوة عن حبى و قلبي ليك يغنيها
الاقى الغنوة نسيانى و تاهت عن معانيها

وحبي خلاص مدوبني ... جاي بتقول أنا أختك