قصيدة يا استاذ

يا سلام على الطريقه .. يا سلام على النظره البريئة
نقول عليك ملاك وجهنم دى الحقيقة

يا سلام على الكلام الوديع .. يا سلام عليك فى نظرات الربيع
نقول عليك طفل وانت وحش مخيف مريع

تصدق بالله انك استاذ .. فى الشر باشا بإمتياز
وإبليس جنبك ده يبقى مين يبقى أغلب المساكين
أو من المبشرين بالجنه والنعيم

يا استاذ انت نجم مهرجان انت باشا من بتوع زمان
يا استاذ انت مالك دورى وكاسى انت ليك رقم قياسى

يا استاذ انت رائع انت متخصص فى المواجع
يا استاذ انت مالكش مثيل انت روعه انت مستحيل

تصدق بالله انك استاذ .. فى الشر باشا بإمتياز
وإبليس جنبك ده يبقى مين يبقى أغلب المساكين
أو من المبشرين بالجنه والنعيم

يا استاذ انت ممثل قدير انت رائع وقدرك كبير
يا استاذ انت علمت الشيطان انت اللى تخرب الزمان

يا استاذ انت معلم فى الروائع انت مالك لكل الخوادع
يا استاذ انت ليك مستقبل كبير انت فى الشر أصيل وخبير

صدق بالله انك استاذ .. فى الشر باشا بإمتياز
وإبليس جنبك ده يبقى مين يبقى أغلب المساكين .
أو من المبشرين بالجنه والنعيم