قصيدة ليلة في الشارع

قصيدة ليلة في الشارع



ليلة فى الشارع
قضيتها كتير ببكى........................من الهم لربى بشكى
ومش قادر جوايا...........................أحكى من كتر المواجع

ليلة فى الشارع
قضيتها بشوف ذكريات.................بفتكر كل الأموات
بلعن الذكرى والأوقات..................اللى فيها بنتصارع

ليلة في الشارع
قلبى خلاص مش هيكابر.............الحزن بقا الضنا
الحزن معايا ليه بس كافر.............وألعن من الزنا

قلبى يوماتى فى دموعه.............يغرق فى الوحده والعذاب
كله من فرحتى يسرق................ويكتب لحزنى أحزن كتاب

هى دى الناس دايماً...................عند الخير تقهر مصارع
انا فى وسطهم بكتب طبعا..........ذكرى ليلة فى الشارع

ليلة فى الشارع
قضيتها فى الخوف.....................من البشر والظروف
ولو قلبى فى وسط كهوف..........الحزن بيقوله راجع

ليلة فى الشارع
قضيتها بين مجرمين..................وناس فى الدنيا تايهين
بايته حزنانه العين......................ولبكايا ربى سامع

يا قلبى ايه بس اللى فاضل.........من الحزن والسنين
غير حسى المناضل...................وفى الوحده بكون حزين

يا قلبى خليك فى حالك.............وعيش زى الملايين
دول مالهم بس ومالك...............هى الفرحه بس يومين

هى دى حكاية قلبى................وفى قصيده لجذورها زارع
كتبت عليكم انا مش.................هخبى .ذكرى ليلة فى الشارع